राजस्थान येथील जयपूरच्या एका प्रसिद्ध वैज्ञानिक संस्थेमध्ये या संदर्भात केल्या गेलेल्या रिसर्चमध्ये हे निदान वैज्ञानिकांनी केले आहे. त्या वैज्ञानिक संस्थेशी संलग्न असलेल्या इस्पितळामधील रुग्णांवर हा प्रयोग यशस्वीरित्या करण्यात आला आहे. या प्रयोगाला वैज्ञानिकांनी म्युझिक थेरपी असे नाव दिले आहे. या बाबतीत केल्या गेलेल्या संशोधनामध्ये योग संगीत ऐकल्याने त्याचा सकारात्मक परिणाम हृदयाच्या गतीवर होत असल्याचे वैज्ञानिकांचे म्हणणे आहे.
या संशोधनाअंतर्गत एका विशिष्ट वयोगटाच्या सुमारे दीडशे व्यक्तींवर हा म्युझिक थेरपीचा प्रयोग करण्यात आला. हा प्रयोग तीन निरनिराळ्या सेशन्समध्ये करण्यात आला. पहिल्या सेशनच्या वेळी सर्वांना योगसंगीत ऐकविण्यात आले. दुसर्‍या सेशनमध्ये सर्वांनी पॉप संगीत ऐकले, तर तिसर्‍या सेशनमध्ये विना संगीत ऐकताच सर्वांना झोपण्यास सांगण्यात आले. या तीनही सेशन्सच्या दरम्यान सर्वांच्या हृदयाच्या ठोक्याच्या गतीवरही लक्ष ठेवण्यात आले होते. संगीत सुरू असताना आणि संगीत संपल्यानंतर, अश्या दोन्ही वेळी हृदयाच्या गतीचे अवलोकन केले गेले.
या प्रयोगावरून वैज्ञानिकांनी असा निष्कर्ष काढला, की योग संगीताचे श्रवण केल्याने या प्रयोगामध्ये सहभागी असणार्‍या व्यक्तींचा मानसिक तणाव कमी झाल्याने त्याचा सकारात्मक परिणाम त्याच्या हृदयाच्या गतीवर दिसून आला. या प्रयोगाच्या संबंधी सर्व तपशील आणि निष्कर्ष जर्मनीमध्ये होत असलेल्या युरोपियन सोसायटी ऑफ कार्डियोलॉजी काँग्रेसमध्ये प्रस्तुत करण्यात आले आहेत.
No comments:
Post a Comment